Եգիպտոսաբնակ Տիկ. Արաքսի Չաքըճեան, որ Հրանդին մարտինեանի ժառանգորդն էր, որոշած է իր ժառանգէն նուիրատուութիւն մը կատարել, ստեղծելով Հրանդին եւ Ետուարդ մարտինեան, Ստեփան, Յ.Կ. Վարվարեան եւ Արաքսի Աւետիս Չաքըճեան Հիմնադրամը։
Հիմնադրամի նպատակն է, հիմնականօրէն կրթաթոշակներ եւ նիւթական այլ միջոցներ տրամադրել Սուրբ Յակոբ ազգային վարժարանի աշակերտներուն, որպէսզի անոնք կարենան շարունակել իրենց նախակրթարանի եւ երկրորդականի ուսումը, եւ այսպիսով իրենց կրթութիւնը ապահովել:
Արաքսի Չաքըճեան Հիմնադրամէն ստացուած դրամագլուխը շուրջ 1 200 000$ որ շահարկման դրուեցաւ եւ անկէ ստացուած տարեկան եկամուտին վաթսուն հինգ առ հարիւրը պէտք է վճարուի Դպրոցին, որ իր կարգին պէտք է յատկացնէ աշակերտներուն կրթանպաստներու ձեւով։ Հիմնադրամը իր առաջին վճարումները դպրոցին կատարած է 2022ին։
